Goude bezañ bet nullet ur wech abalamour d'an erc'h e oa aet ar re 6vet d'ar Chapel-Nevez evit daou zevezh natur e "Ti ar c'hoadoù" d'ar 25 ha 26 a viz Genver 2010. Ambrouget gant daou animatour,  Erwann ha Manuel,  e oa bet kinniget dezho dizoleiñ ar c'harzhaoueg tro-dro d'ar greizenn ha Koad ar Markiz.
SDC10017
Erwann ha Manuel o tisplegañ ur c'hoari

Goude ur c'hoari-enklask evit anavezout lec'hioù disheñvel ar greizenn, e oa bet roet d'ar skolajidi lunedoù hirwel evit sellet ouzh al laboused o nijal pe o tebriñ tro-dro dezho: "Petra eo al labous-se? Ur filip, evel-just! Sur out? Hag hemañ? Ur pennduig da'm soñj..."
SDC10022
Daoust pelec'h emañ al laboused?

Da greisteiz e oa laouen ar skolajidi da gavout ur pred tomm o c'hortoz anezho; yen e oa an amzer ha dav e oa debriñ mat a-benn kaout startijenn evit an abardevezh! Goude merenn e oant bet kaset da bourmen nepell diouzh ar greizenn evit ober anaoudegezh gant ar c'harzhaoueg, deskiñ anavezout ar gwez ha klask roudoù al loened a vev eno.

SDC10029
Eus peseurt gwezenn e teu ar greun-mañ?

Goude bezañ gwelet, touchet, c'hweshaet ur bern traoù ha graet ur rentañ-kont dre skrid e oa bet roet amzer-vak d'ar skolajidi: lod a oa chomet er maez evit c'hoari mell-droad, lod all o doa profitet eus un oaled evit c'hoari kartoù, flapiñ asambles pe diskuizhañ.

SDC10040

SDC10046
Plijus eo c'hoari en diabarzh ivez!

War-lerc'h koan e oa bet kinniget gant Erwann ur veilhadeg kontadennoù e-tal an tan: istor ur marc'h hag ur roue kizellet gant koad! Nag a blijadur evit hon selaouerien yaouank!

SDC10051
Paourkaezh roue gant divskouarn e varc'h!

Goude un nozvezh re verr evit al lodenn vrasañ e oa bet kemeret ar c'harr-boutin evit mont betek Koad ar Markiz; pal ar bourmenadenn a oa klask roudoù loened (broc'hed, moc'h-gouez, youc'hed hag all). An treid a oa skornet met daoust da se e oa bet desket ur bern traoù ganto! Ur wech distroet d'ar greizenn e oa bet lakaet ar skolajidi d'ober c'hoarioù dre skrid evit derc'hel soñj ha degas danvez a-benn gallout kenderc'hel da labourat er c'hlas.

SDC10064
Met peseurt loen en deus flastret ha diblusket an tamm koad?

SDC10059
N'eo ket a-walc'h mont da bourmen, dav eo labourat un tammig ivez!

Trugarez d'an holl c'wec'hveidi evit o emzalc'h e-pad an daou zevezh ha mersi bras ivez da Vathieu hag Olier evit bezañ ambrouget anezho ganin.

Marine
Degemer