Un tamm pasianted c'hoazh !

Dec'h e oa tremenet ar Redadeg dre Gemper. Ur blijadur ! Lañs, lusk a oa ha plijadur o kemer perzh ! Gant ar skolaj e oa bet prenet ar c'hm 1037 a groge adal adhent Kroashent-tro Kervoazan hag a dape straed Pont-'n-Abad. Ha yao war-zu kreiz-kêr, kilometroù ar bomperien, Bagad Penharz, skolioù Diwan, klasoù divyezhek an deskadurezh publik, dilennidi an ti-kêr, al Likez hag all... Peadra a oa da derriñ naon ha sec'hed war leur-gêr Sant Kaourantin, stand Redadeg ivez, Kuzul ar Brezhoneg evit al levrioù brezhonek, Diwan, Div Yezh ha kement 'zo. Ul leurenn hag ur sono war ar marc'had, mar plij, ha plijet omp bet dreist gant kanaouenn ar 6ved, lusket gant o c'helennerez brezhoneg, Marine. Gourc'hemennoù ivez da merc'hed ar c'han ha diskan kaset hardizh ha brav gant Karen ! Gourc'hemennoù ivez d'ar strollad SILWINK en deus graet berzh bras, danvez a zo enno !

Gouel ar genskoazell a youl vat evit ar brezhoneg eo ar Redadeg ha deuet e oa eus ar c'hentañ e Kemper dec'h. A-benn arc'hoazh e vo an degouezh goude merenn e Groñvel. Deomp niverus da redek ar c'hilometroù diwezhañ !

(Trugarez da Vireille, da Ninnog, da Varine, da Varion ha d'he mamm evit o skeudennoù !)

Tri sportour a-feson !

Tudi, prest da vont de'i !

Mont ha dont !

Brav ! N'eo ket echu an Ened !

Un tamm pleustriñ war ar c'han !

Mignoniezh post skolaj !

Emaomp ganti !

Karen o tougen ar vazh-test a vo douget goude gant Tangi ha war-lerc'h gant Marion. Siwazh, ne oa ket Jeanne ganeomp !

Pevareadezed chichant !

Bazh-test gant Tangi !

Bazh-test gant Marion !

O tegouezhout e straed Kereon !

War leur-gêr Sant-Kaourantin !

Sonadeg vrav gant Bagad Penharz !

Kan Redadeg ar 6ved war un ton gavotenn !

Daouarn o luskañ !

A-gleiz Ludovic Jolivet, maer Kemper, ha Daniel Gilles, besprezidant kuzul-rannvro Breizh, e karg eus ar sport

Strollad KGB. Karen, Gaïd, Betty. Deuet eo brav-tre ganeoc'h ! Kendalc'hit !

Loig Jadé, E-Ü-RUS !