Ar gaoz gant Muriel Morvan goude ar film

Hiziv, d'ar Yaou 2 a viz Kerzu, eo bet pedet Muriel Morvan (sevenourez) hag Elen Rubin (implijadez e Daoulagad Breizh) gant Skolaj Diwan Jakez Riou evit diskouez ur film d'ar skolajidi diwar-benn an diorren padus.

Ar film a zo anvet "Silieg, ur veaj da vro warc'hoazh". An danvez anezhañ ur gumun anvet Silieg, e-kichen Pondi, e-lec'h ma vez doujet an natur. Serj Moelo, ar maer, a zispleg penaos e teuont a-benn da vezañ ur gumun ekologel. Savet ez eus bet ganto tourioù-avel, kreizennoù-puraat... Klask a reont bezañ an ekologelañ ar gwellañ, da skouer difuiñ an tiez gant ouat keluloz mesket gant pri, pe c'hoazh sevel ur greizenn vakañsoù 100 % ekologel. Evit sachañ evezh an dud war an diorren padus emaint o vont da gemer un ti-feurm kozh ha lakaat ur mirdi e-barzh. Ar maer a zo bet e Freiburg, e Bro-Alamagn, a-benn kaout mennozhioù evit e gêr.

Aketus ar bevareidi, neketa ?

Neuze, lazhit ar gouleier pa n'ho pez ket ezhomm, ha diwallit ouzh ar bevezerezh

tredan !

Nolwenn, 4re klas