Donostia, Enez Santa-Clara diwar krec'h Menez Urgull

Ma'z eus un dra bennak am eus kavet disheñvel-kenañ etre Breizh ha Bro-Euskadi eo an darempred a zo etre an dud hag o doare bevañ.

Amañ, e Breizh, diouzh an noz e chom kalz a dud en o ziez da sellout ouzh ar skinwel, da lenn, da zebriñ pe c'hoazh da gousket. E Bro-Euskadi e chom an dud ha dreist-holl ar grennarded pell er straedoù da gomz gant o mignoned. Er penn-kentañ on bet ankeniet gant an dra-se peogwir e oan sur e vijemp gourdrouzet ur wech erruet er gêr, peogwir, amañ e Breizh, ne rafen james se.

An darempred o deus etrezo a zo disheñvel-tre diouzh doare Breizh ivez. E Bro-Euskadi ne reont ket a ziforc'h etre an dud, pe e vefent bihan pe bras, tev pe moan, an holl a zo mignoned gant an holl. En em anavezout a reont holl, pa gejont gant unan bennak er straed e chomont da gomz gantañ ur pennadig ha se, gant tout an dud.

Un dra all am eus kavet disheñvel e Bro-Euskadi eo an implij eus o yezh, an euskareg. Komz a reont holl en euskareg, gant o familhoù, gant o mignoned, er skol, er straedoù... An dra-se en deus roet c'hoant din d'ober evel an Euskariz peogwir e kavan eo mat evit lakaat ar yezh da vont war-raok.

Evit echuiñ, kavout a ran plijus o doare-bevañ, an amzer a ra du-se, met, plijout a ra din muioc'h ma bro en ur wellaat traoù 'zo.

Mathilde