KLET HAG AZILIZ WAR AN DACHENN !
D’ar Meurzh vintin, bep pemzektez, e tegemer 6veidi skolaj Diwan Jakez Riou, Aziliz Bourgès ha Klet Beyer da sevel ur raktres war ar c'hleweled. Ar pal eo sevel ur rummad filmoù-berr farsus doare « Caméra Café », ha kemer-perzh e kenstrivadeg an Erminigoù e miz Mae, ma vo enskrivet enni holl skolajoù ha lise Diwan.
Betek-henn e ra ar skolajidi pleustradoù c’hoariva hag e teskont penaos skrivañ sketchoù, c’hwec’h sketch e pep klasad.
Ha mirout a rez, melezour...
War-lerc’h vakañsoù miz C’hwevrer, e vo gouestlet daou vintinvezh d’ar c’hoari ‘vit ma vo ar vugale en o aes dirak ar c’hamera. Ouzhpenn Aziliz ha Klet e teuio Jean-Mari Ollivier hag Arno Vannier evit ober war-dro ar son, ar video hag ar frammañ.
Ur steuñv frammet mat !
Pep a zevezh treiñ a vo gant an daou glasad 6ved en div sizhunvezh a-raok vakañsoù miz Ebrel.
Plijadur ‘zo dija !
Soazig Kerouredan
Tro-heol pe skav-gwrac'h ?