Gora Euskal Herria eta Bretainia!

Dec'h vintin e oa degouezhet hor mignoned a Vro-Euskal. Ambrouger Pepe, blenier Juan Carlos. 9 skolajiad euskarat ar wech-mañ ha c'hwezek all chomet e Skolaj Diwan Gwened gant o c'helennerezed.

Emaomp gant an trizekvet eskemm etre Arizmendi Ikastola Arrasate hag hor skolaj...

Skuizh a-walc'h an dud goude un nozvezh er c'harr-boutin... Lein a zoare er predva hag amzer goude d'ober gwelloc'h anaoudegezh gant hor skolajidi a 3de Melen.

  Ouzhpenn ar skolajidi e karg e oa deuet ur mestr krampouezher da aozañ krampouezh a zo bet kavet mat en endervezh. Trugarez da Wenael !

Hevlene ez eus deuet soñj da Bepe d'ober ur prof arouezel a-zoare ! Diwar ar frapad "Euskaraz bizi nahi dut" (Fellout a ra din bevañ an euskareg/en euskareg) a weler o vleuniañ a bep tu e Bro-Euskal en deus lakaet ober mailhurennoù ha skritelloù brav, merket "Fellout a ra din bevañ e brezhoneg" warno.

Pepe a-zevri !

Goude an displegadenn e oa bet graet tro ar c'hlasoù da stagañ ar skritelloù. Danvez preder hag ober !

Alan da vat outi !

Gant Lisa e oa bet prientet c'hoarioù yezh kement hag ober gwelloc'h anaoudegezh ha kaout plijadur dre ar c'hoari.

Displeget eo bet e galleg gant Matilde ar pezh e oant o vont da zañsal.

Tan de'i !

Plijadur an dro hag an hanter-dro da heul Sulian ha Maïna

E pe straed vrudet emaomp ?

Da heul sal ar yoga abadenn dañs adarre e saloñs skedus an ti-kêr ma oamp degemeret gant Loig Philippon ha Jannick Yvon.

Arzel an delioù goveliet-mañ, neketa ?

War leurgêr Sant Kaourantin