Hiziv eo bet dalc'het kendalc'h eil derez Diwan e Lise Diwan e Karaez.150 bennak a dud, kelennerien, kasourien, implijidi melestradurezh. Un digarez vrav d'en em adkavout pe d'ober anaoudegezh gant tud nevez.

 

Diouzh ar mintin eo bet Kristof Nikolaz, rener TES, o tisplegañ ar pezh a vez kaset da benn gant TES hag ar gounid a c'heller tennañ anezhañ evit ar c'helenn.

 

IMGP3360

 

Kristof Nikolaz da vat gant e brezegenn !

 

Teir frezegenn/kendivizadeg a zo bet goude diwar-benn ar c'hlas kevreet, kaset da benn gant ar CRDP, dañjer an drammoù, ha merañ skolajidi diaes o emzalc'h gant ITEP ha SESSAD.

 

IMGP3358

 Un darn eus ar saliad tud


Goude merenn e oa bodadoù kentoc'h pleustrek diwar-benn kelennouriezh ha kasouriezh.

 

Dedennet bras eo bet an dud gant implijoù an tablerioù elektronek, an hewelerioù hag all, kement ha gant an implij a c'heller ober eus TWITTER, koulz en daremprediñ hag er c'helenn. Broudet int bet da lakaat muioc'h c'hoazh brezhoneg ha teknikoù a-vremañ d'ober hent a-unan !

 


Catégories : Buhez ar skolaj
Degemer