Krismenn o tiskontañ...

D'ar Meurzh 10 a viz Mae etre 3eur25 ha 5 eur hor boa sellet, ni, skolajidi a bevare Glas ha Melen, ouzh ur filmig (26 munutenn) anvet Before Bach, bet sevenet gant Rolland Tepot. Ar filmig a gont istor ur strollad tud yaouank deuet e-barzh ur skol ispisial : Kreiz Breizh Akademi.

Kreiz Breizh Akademi a zo ganet e-barzh penn ur c'haner anavezet, Erik Marchand.

Ober a reomp anaoudegezh gant 16 muzisian, deuet da zizoloiñ, deskiñ ha beajiñ gant Erik Marchand. Deuet int e penn-kentañ da reiñ cheñchamantoù d'o binviji ha da c'hoari sonerezh mozel, pe da ganañ gant ur sonerezh mozel.

Christophe le Menn, lavaret bremañ Krismenn, a gemere perzh e-barzh ar skipailh 16 muzisian, met kanañ a rae. Pedet e oa bet er skolaj evit kontañ deomp penaos en doa eñ bevet an dra-se.

Krismenn a zo kelenner kan-ha-diskan e lise Diwan e Karaez met ivez kasour. Met Krismenn n'eo ket nemet ur paotr en deus bevet daou vloavezh plijus gant Erik Marchand hag a zo bremañ kelenner ha kasour el lise.

Goude ar filmig dedennus hor boa gwelet e oa droad da sevel goulennoù outañ ha d'ober eskemmoù.

Diskouezet en doa deomp ur pennad Beatbox hag...iskis-tre e oa !!

Selaouet hor boa anezhañ ivez o kanañ ur ganaouenn RAP en doa krouet... peogwir, ouzhpenn-se, eo Krismenn kaner RAP !

Displeget en doa ivez deomp perak e oa bet dibabet gant ar strollad an anv "Norkst".

Un devezh e oa bet goulennet gant Krismenn ouzh un den :

-            Penaos e lavarez un "orchestre" e brezhoneg ?

-            Ur bagad.

-            Met, n'ez eus ket un dra all.

-            Ba, lavarout a reomp ivez un orkst !

Setu m'eo bet anvet NORKST ar strollad.

Plijet on bet kalz gant an abadenn-se :

Krismenn a oa plijus ha fentus ha komz a rae mat brezhoneg !

Kontant e vijen bet da welout Erik Marchand !!

Eve