Daouzek skolajiad ambrouget gant Ninnog ha Padrig o deus bet un devezh dreistordinal dimeurzh, 19 a viz Mezheven. Int a oa bet kavet ar skolajidi zellezekañ evit implij ar brezhoneg er skolaj hag o frof fin ar bloaz a oa eus an devezh-mañ.

Diouzh ar mintin un droiad er Plomarc’h e Douarnenez.


Natur, loened, ur gwel dispar war borzh kozh Douarnenez ha war ar pleg-mor…


Distro da Bloneiz ha degemer en abadenn Lou e Radio Kerne.


Studioioù nevez-flamm e ti nevez ken flamm-flimmin all ti-kêr Ploneiz.


Pep hini en deus gellet prientiñ un tamm kelaouiñ hag en embann er mikro.


 Plijet omp bet holl o welout pegen lañsus, modern hag a vicher ez eo Radio Kerne.



Itron Varia ar Menez-C’homm, merenn garrez e Skeud an Amzer, boued lipous en un endro bourrus.


Brezhoneg gant tud an ti ha gant lod eus an arvalien.


Un arsav plijus e ti tud a skoazell Diwan !

N’eus netra par d’ur pennad marc’hegezh da ziazezañ boued. Ha yao war-zu ti-feurm marc’hegezh Neizh Kaouenn e parrez Landevenneg.


Degemer plijus-tre gant tud an ti hag e brezhoneg gant Gael he deus renet flour ha start an abadenn a-bezh.


Berr amzer a zo bet gant ar re yaouank o tizoloiñ pe oc’h addizoloiñ ar blijadur da vont war varc’h.


Tammoù c’hoarioù dre skipailh a zo bet aozet ha laouen bras an dud, m’el lâr deoc’h.







                                            







Brezhoneg gant an holl en holl obererezhioù, un dudi ! Keuz d’un dra, evelkent. Blaz ar re verr a oa gant an devezh !