Troiad an dredeidi er Greizenn Gelaouiñ ha Heñchañ e Kemper

Er mintin-mañ eo bet degemeret hon 29 skolajiad gant an ao. Dussonchez, rener ar greizenn.
Dre hanter strolladoù en deus displeget dezho an heñcherezh goude an trede klas. Goude-se hon eus graet tro levraoueg ar greizenn ha displeget eo bet deomp ar pezh a oa e pep lodenn. Daou zoare implijout ar greizenn a zo, pe evel un emservij, evel pa vije ul levraoueg, pe c’hoazh dre emgav gant ar guzulierien heñcherezh evit ar skolidi o deus da resisaat ar raktres skol a zegouezh ar gwellañ gant o raktres micher.

Dedennet eo bet ar skolajidi ha kalz a c’houlennoù hiniennel a zo bet war-lerc’h. An eil bloavezh eo deomp bezañ degemeret gant rener ar greizenn ha talvoudus-tre eo bet kavet gant an holl.
Catégories : Buhez ar skolaj
Degemer