Prezegenner kendrec'hus hag arvesterien aketus...

Hiziv eo bet Herve Larhant, tad ur skolajiad, er skolaj o tisplegañ d'ar skolajidi e droioù-kaer bageer dre lien e Bro-Sina.
Arouez a drec'h hirc'hortozet...

War vourzh ur sonar e oa dibabet o ekipaj er c'hoarioù paraolimpek e Beijing e fin an hañv. Ekipad e oa gant Bruno Jourdren, sturier, ha Nicolas Vimont-Vicary, paotr ar fok. Deuet eo ar vedalenn arc'hant ganto ha war-bouez ur fok diroget e vije deuet ar maout ganto ! Un disoc'h kaer n'eus forzh penaos ha gourc'hemennoù dezho da vezañ bet trec'h d'o namm ha d'o eneberien ken kalonek all !
Ar vedalenn a-dostik-tost...

Dedennet-bras eo bet hor skolajidi gant an danevell ha gant ar pennadoù video diskouezet. Hoalet koulz gant ar c'hurioù sportel ha gant an arallvro ma 'z eo Bro-Sina evito.
Ur siner laouen e-touez e harperien...

Da glozañ an abadenn eo bet diskouezet ar vedalenn d'ar skolajidi ha laouen-bras int bet o kaout sinadur ar medalennad gwenn-ha-du !
Ha ni en anv ar skolaj kemend-all !
Catégories : Buhez ar skolaj
Degemer